النية و الريااء ( موضوع خطير جداااااا )

النهاردة انا حتكلم على موضوع خطير جدا و يهم كل الناس

لو جينا و سألنا اي حد يعني ايه نية

حيقولنا يعني القصد من اي حاجة انت بتعملها

هي دي فعلا النية

و النية محلها القلب

بس انا ليه بقول عليها حاجة خطيرة

لان ممكن اتنين يعملوا نفس العمل وواحد ياخد عليه ثواب كتير اووي

وواحد ما ياخدش عليه اي حاجة او ممكن ياخد ذنوب كمان

و الفرق هنا بيبقى في النية

يوم القيامة فيه علماء دين و شهداااء و فرسان

اعمالهم دي كلها و لا حتفيدهم

عارفين ليه ؟؟

ربنا حيقولهم انتو عملتوا ده لان كان نيتكم ان الناس تقول عليكم علماء و فرسان

و كنتوا مبسوطين اووي بالحكاية دي

و اللي انتوا عاوزينه اخدتوه في الدنيا

الناس كانت بتشاور عليك و تقولك اهووو العالم الجليل اهه

و اللي بيقول الفارس الشجاع الجامد اهه

خلاص ما لكومش اي ثواب عندي في الاخرة

و تترمى كل اعمالهم في النار

شايفين النية ممكن تعمل ايه ؟؟

لازم كل واحد قبل ما يعمل اي حاجة

يخلص نيته لربنا

ما يهمهوش ان الناس تقول عليه كويس او محترم او مش عارف ايه

ما يعملش كده عشان الناس تقول عليه كده

لا يعمل كده و هو ما يهمهوش رأي الناس

يعمل كده عشان ربنا يس

و ساعتها اي حاجة كويسة بيعملها حياخد عليها الثواب

و اللي بيرضي رب الناس

ربنا بيخلي الناس ترضى عنه

اما بقى بالنسبة للرياء

فالرياء ده برضه حاجة خطيرة

و نفس اللي انا قولته عن النية بالظبط

الرياء ده اسمه ( الشرك الاصغر )

عارفين بيبقى بيعبد مين مع ربنا ؟؟

تفتكروا مين ؟؟

الاصنام و لا الشمس و لا ايه ؟؟

لا بيعبد الناس

بيعبد ناس زيهم زيه

بيفضل رضاهم على رضا اللي خلقهم

بيعمل كل حاجة عشان شكله قدام الناس

يعني يحط توقيع اسلامي عشان الناس تقول عليه التقي اهه

و يبقى شكله كويس قدامهم

مش عشان الناس تستفيد من اللي مكتوب فيه

يستلم واحد غلط في حاجة

يقوم ماسكه فاضحه قدام الناس كلهم

عشان الناس تعرف انه عالم و بيعرف و كده

ما ينصحهوش بينه و بين نفسه

يعرفه غلطه و خلاص

و لو بيقول ان الناس لازم تستفيد

ممكن يعمل موضوع بعيد عن الشخص ده خاالص

و يكتب فيه ان فيه واحد اعرفه من بعيد اخطأ في كذا كذ

و خطؤه علاجه كذا كذا

و يبقى ما فضحش اللي ربنا ستره

و ما خلاش فيه عداوة حتى لو كانت خفية و مش باينة

بينه و بين اللي هو بينصحه ده

عشان فضحه قدام الناس

الموضوعين اللي انا بتكلم عليهم مرتبطين ببعض اووي

و فيهم كلام كتير اووي

بس انا حاولت اختصر على قد ما اقدر

و اخر حاجة عاوز اقولها بقى

لو انت ماشي في الشارع

و حد قابلك و سألك سؤال بسيط كده

السؤال هو ====> انت منافق ؟؟

حترد عليه تقوله ايه ؟؟

حتقوله لا طبعااا انت بتقول ايه

و ممكن تتخانق معاه

تعالوا نشوف بقى

عمر بن الخطاب

لحد ما مات كان شاكك اوووي و مرعوب من انه يكون منافق

امال احنا نعمل ايه بقى

اللي ما نجيش حاجة في تقوى عمر بن الخطاب

لازم نكون صاحيين اووي و عارفين نيتنا كويس من اي حاجة بنعملها

و القلب مش سهل التحكم فيه زي العقل

عشان نقدر نتحكم في نيتنا كويس

و عاوز اضيف حاجة كمان

ان على عصر الرسول ( صلى الله عليه و سلم )

مكانش بيتخلف عن صلاة الجماعة

الا مناااااافق معلوووم النفاااق

يعني حتى لو منافق و مش كل الناس عارفين انه منافق

كان بيطلع يصلي كل الصلوات في الجامع

تعالوا نتفرج على حالنا دلوقتي

و احنا نشوف يا ترى نخاف على نفسنا من النفاق و لا لا

================

عاوزين ندعي كلنا الدعاء ده

( اللهم يا مقلب القلوب ثبت قلبي على دينك )

( اللهم باعد بيننا و بين النفاق كما باعدت بين المشرق والمغرب )

منتدى علاء ايمن .... by/alaa ayman ..... يرحب بكم

النية و الريااء ( موضوع خطير جداااااا ) Uoou10

النية و الريااء ( موضوع خطير جداااااا ) Uoouou11

» 3- النية ----------------------
» خطا يقع فيه الكثير اثناء الوضوء مهم جداااااا
» موضوع شامل عن الموت
» من أقوال السلف رحمهم الله / موضوع متجدد/