اهداء للشهيدة مروة الشربينى
لحظة غروب لكرامة الامة
مشهد مكرر كل يوم عادى
كان نفسى تبقى الورث لولادى
و انا مامتلكشى اى شئ يتساب
كل اللى حيلتى ذكريات مؤسفة
حبة جمل فى الحلق متكتفة
حبة امل مبقوش يجيبو الشفا
قفلو عليا معبر الاحلام
مربوطة نظرة عينى ليه فى الارض
مبقتش بقدر ابصها لقدام
وبقيت مجرد من علو الشأن
مسجون ما بين مساواة وحرية
حرية تمنعنى انى ابقى بدقن
كارهة لطرحة بنت عربية
مساواة بتقسم دنيتى نصين
نص العرب والنص بنى ادمين
معووجة بيا كافة الموازين
بتزيد تمللى نصيبى م الغمة
تخلق غروب لكرامة الامة
ورد العروبة يا عرب دابل
شيخ البلد للوضع ليه قابل
لما قبل مع كلب يتقابل
ضاعت معاه الهيبة م العمة
ظهر الغروب لكرامة الامة
__________________________________________________________________________________
موضوع: لحظة غروب الـشــعـــــــــر و الخـــواطــــــر 
الأربعاء يونيو 06, 2012 3:05 pm
