alaa ayman
Admin
عدد المساهمات : 2233
تاريخ التسجيل : 26/03/2012
العمر : 28
الموقع : www.alahli.alafdal.net
 |  موضوع: خلاص صدقت ؟!! الـشــعـــــــــر و الخـــواطــــــر  الإثنين يونيو 04, 2012 10:24 pm | |
| خلاص صدقت اني مليش في الحب نصيب
يمكن مكتوبلي ابقى اخ او حتى ديب
كنت للي حبيتهم احن و اوفى حبيب
و يوم ما ناديت عليهم محدش رضى يستجيب
مش بكتب عشان اعاتبهم و لا بكتب للتأنيب
لسة في قلبي مكانتهم وذكرياتهم مش بتغيب
كنت حبعد عن الحب لو كنت اعرف بس الغيب
======================
خلاص استسلمت يا قلبي و تعبت من الايام ؟؟
خلاص بطلت تتخيل و تغرق في الاحلام ؟؟
يعني مفيش مكان لحد الخوف جواك دام ؟؟
عرفت منين انه مكتوبلك الحياة في استسلام ؟؟
يمكن بتقتلك الهموم يمكن بتعصرك الآلام
يمكن من كتر عذابي عيوني مش عارفة تنام
يمكن خلاص مش هامك حتى الحرب من السلام
يمكن حتى لسانك عجز عن النطق و الكلام
او حتى غرقان في دوامة من الخوف و من الاوهام
==========================
لكن اعرف ان ربك ما ممنعكش الا عشان يديك
و اعرف ان الدنيا مش بس بتقسى و تجني عليك
زي ما ضلمت شوية لسة حترجع و تنور ليك
انت غلطت في نفسك زي ما هما غلطوا فيك
انت اللي اخترت غلط و ما فتحتش بجد عينيك
خليت حبك لعبة بيها بيلعبوا و يتسلوا بيك
انت تضحي عشانهم و هم بسهولة يدوسوا عليك
اوعى تتخدع تاني بطيبتك من اي حد حواليك
و فكر مليون مرة قبل ما تمدلهم بالحب ايديك
بس اعرف ان عمرهم ما حيحسوا بالراحة بعديك
و اوعدك في يوم ان اللي تستحقك حتكون ليك
__________________________________________________________________________________ | |
|
