alaa ayman
Admin
عدد المساهمات : 2233
تاريخ التسجيل : 26/03/2012
العمر : 28
الموقع : www.alahli.alafdal.net
 |  موضوع: قصيدة اعجبتني..للشاعر أحمد الغندور الـشــعـــــــــر  الأحد يونيو 03, 2012 2:47 pm | |
| ارتفاع الأسعار......للشاعر أحمد الغندور
ــــــــــــــــــــــــــــــــــــــــــــــــــ ـ
واللهِ حكم الزمن في شعب مصر وجار
علشان بلانا بوثن هايف رخيص غدار
ما شوفنا منه جديد غير المحن والعار
والجوع وشرب الصديد والعمر ضاع في مرار
والمر أيه اخرته ويا ارتفاع الاسعار
ماتت الرعية وضاع الصبر مل عطار
بياع السرير م الدلع بيسخر من الجزار
وام الفلافل بتضرب والله علي الأوتار
عمالة تصغر عشان عشقها صبحوا كتار
والفول بقالة مكانه وعزه قال وانصار
ومهاجرين م الزقاق في حاله يا ستار
كالنمل في مسكنه إن حل به أخطار
أما صاحبة الجلاله اللحمة دي أقدار
ما ياكلها غير مرتشي أو ندل مل فجار
اللي بقوتنا اصبحوا قال يعني سادة كبار
وعامة الشعب حتي الملح منهم طار
ولسه ياما نشوف من عصبة الأشرار
قتلونا بسلاح عنيف مايشلوا غير جبار
نوعه ارتفاع السلع علشان كدا بتار
حتي الرغيف بالطابور وكمان بقاله سمسار
ويعمل أيه الجنيه والحالة صبحت نار
فلاح وعامل وبيه ضجوا من المشوار
والبعض برقص بليه علشان في جيبه دولار
دوله حاميها حرامي خوفي في يوم تنهار
الشاعر /أحمد الغندور
الشرقية
مصر
كفر الحمام
__________________________________________________________________________________ | |
|
