alaa ayman
Admin
عدد المساهمات : 2233
تاريخ التسجيل : 26/03/2012
العمر : 28
الموقع : www.alahli.alafdal.net
 |  موضوع: والله فكرة .......!!! الـشــعـــــــــر  الأحد يونيو 03, 2012 2:39 pm | |
| وانا قاعد جتلى فكرة اكتب قصيدة تبقى ذكرى
يفتكرها الناس بعدى بكرة وتبقى حلوة مش تبقى نقمة
يقرأها الناس الف مرة ويحسو بيها فى كل مرة
اسئل بيها عن الحق اللى غايب وافتكر بيها الحبايب
ويفتخروا بيا القرايب وتسعد بيها القلوب
وتبعد عنا الحسود ويعزف ليها الف كمان وعود.
دخلت حتة لقيتها زحمة ...قلت اية؟
قالو لحمة اللحمة غالية ..والعيشة عالية والعين بصيرة واليد قصيرة
وعايشين فى حيرة ويقولو فقير اجوز اميرة طب ازاى واحنا قاعدين على حصيرة
دى قصص وروايات وكلام حكايات سمعناة كتير وكلو فات ابويا عاش واخرو مات .
زعلنا ناس وفرحنا ناس زعلنا اكتر لآن مفيش احساس والغنى على الفقير داس
اصلو ميملاش عينوا الا التراب مهى كدة الناس الغلابة دايما شايفين العذاب
وان حد منهم قال كلمة حق يقولوا دة ارهاب عشان كدة مش بقينا نعرف الحقيقة من السراب
مش عارفين دة يبقى عما ولا يبقى خراب
دايما يقولو شد اللحاف ونام كان خد بس اية اللى قام
ولا تشوفو اطفالنا فى المدارس ويقولو هنصلح فى شهر مارس
والله العيال تعبت ومش عايزينهم يشربو سبارس
بقى الاستاذ على تلميذة قارص يأما دروس خصوصية يأما ساقط
واهو فى الاخر مش عايزين يبقى مستوى اطفالنا هابط
نسيب التعليم ونخش على الوظايف ...بس هس اسكت يعم ...
اقول لية ؟ يقول اصل انا خايف.. اقول خايف من اية ؟
يقولى شغل اية اللى بتتكلم علية؟ اقولو امال كنت بتتعلم لية
بقى 15 سنة تعليم عشان ابقى افندى والاقى كرسى اقعد علية ..
قاطعنى وقالى كرسى اية اللى بتتكلم علية يللى اسمك اية ؟
دة لابن الوزير ساعدت البية .
هعمل بالتعليم دة كلو بس اية ؟
هستفيد منة بعد ما أموت على قبرى بأسم شهادتى تتكتب علية
مش بأيدينا غير بس عايط مهو احنا مش عندنا وسايط.
كفاية كلام عن الوظايف ونتكلم عن رغيف العيش
يقولى اية عيش دة اصلا مفيش جبنة ولا قشطة ولا أريش
امال هنعمل بيهم اية بس ؟ يقولو اسكتو احنا بنمنع العيش
عشان الغنى بالفقير يحس . اقول امال شهر رمضان لية ؟
يقولو دة لاكل اللحمة ومحشى الخس
طيب خلاص اسكتو بقى بس....................
على فكرة دة كان اصلو كلو فكر والله فكرة.
.................................................. ..................................
بقلمى الحر اخوكم شاعرى
مشرف قسم الشعر
__________________________________________________________________________________ | |
|
