alaa ayman
Admin
عدد المساهمات : 2233
تاريخ التسجيل : 26/03/2012
العمر : 28
الموقع : www.alahli.alafdal.net
 |  موضوع: قصيدة الابنودى ضحكة المساجيين مش ها تقدر ما تردش الـشــعـــــــــر  الأحد يونيو 03, 2012 1:54 pm | |
| تغازل العصافير قضبانها
زنزانة لاجلك كارهة سجانها
دوق زينا حلاوة الزنازين
على برشها بتمد اطرافك
سجانك المحتار فى اوصافك
مهما اجتهد ما ها يعرف انت مين
طوبي لكل المسجونين باطل
فى زمن بيخدعنا وبيماطل
يا شموس بتبرق فى غرف عتميين
اما اللى خان ناسك واوطانى
م الهيبة حطينو فى قفص تانى
يصحى وينعس والجميع واقفيين
ومصر عارفة وشايفة وبتصبر
لكنها فى خطفة زمن تعبر
وتسترد الاسم والعناويين
يادى الميزان اللى طلعت لفوق
بينزلوك بالعافية او بالذوق
دول مش بتوع الصدق فى الموازيين
الثورة نور واللى طفاها خبيث
يرقص ما بين شهداء وبين محابيس
والدم لسة مغرق المياديين
الحزن طايح فى قلوبنا بجد
ما فضلش غير الشوك فى شجر الورد
غلط الربيع ودخل فى اغبي كمين
وفى انتظار تياس مع الايام
غيرك فى قفصة بيضربولة سلام
وانت الجزم قبل الكفوف جاهزيين
ومصر عارفة وشايفة وبتصبر
لكنها فى خطفة زمان تعبر
وتسترد الاسم والعناويين
ياعم اقعد بس واشرب شاى
الدنيا ماشية وشعبنا نساى
والبركة فى الشاشة وفى الجرانيين
واذا هوهووا قوم اعلن الاحكام
وكل بق تلجمة بلجام
ومش ها تغلب تطبخ القوانيين
يا مصر هدى وانتى بتفوتى
الصوت فى صمتة اعلى من صوتى
ادى السجين اللى ما باتش حزين
واللى يقف فىوش ثوارها
ما ها يورث الا زلها وعارها
واللى ها يفضل ضحكة المساجيين
ومصر عارفة وشايفة وبتصبر
لكنها فى خطفة زمن تعبر
وتسترد الاسم والعناويين
__________________________________________________________________________________ | |
|
