الحاجة دي حلال ولا حرام ؟؟؟
السؤال ده أنا عاوزك تجاوب عليه بنفسك , لأ مش بنفسك جاوب عليه بضميرك
كلنا طبعا بنمر بمواقف كتير وبنسأل نفسنا الحاجة دي حلال ولا حرام ولا مكروهة ولا مستحبة ولا ايه؟؟؟؟
ومن هنا بتظهر الخلافات والاختلافات بين الناس وبين الأصدقاء
مع ان الرسول صلي الله عليه وسلم بيقول " الحلال بين والحرام بين ... " الي أخر الحديث
يعني الحلال والحرام يقدر الانسان البالغ يميزهم عن بعض
طيب فيه طريقة سهلة أوي عشان تعرف بيها أي حاجة حلال ولا حرام وتبعد بقي عن الخلاف والكلام ده
اسأل ضميرك السؤال ده وانت تعرف :
هل الرسول صلي الله عليه وسلم لو كان عايش كان حيعمل كده ولالا ؟؟؟
وهل الصحابة رضوان الله عليهم لو كان أي واحد فيهم عايش كان حيعمل كده ولالا ؟؟؟
هنا بقي ضميرك حيجاوبك الاجابة الصحيحة , وبقول ضميرك مش نفسك لان ضميرك عمره ما حيكدب عليك أبدا
لان ضمير الانسان هو طريقه لفعل الصواب
اما نفسك دائما تتمني وتشتهي وتهوي , حلال حرام بقي مش فارقة , النفس بتبقي طماعة كل ما تشتهي حاجة عاوزة توصلها سواء حلال أو حرام
وهنا يأتي دور الضمير الذي يرشد النفس للحلال ويبغض اليها الحرام
واذا تفوق الضمير علي النفس التي تطلب الحرام , فعل الانسان الحلال
واذا تفوقت النفس التي تطلب الحرام علي الضمير , فعل الانسان الحرام والعياذ بالله
فمحدش يغلب نفسه ويدخل في خلاف مع ده وده
السجائر حلال ولا حرام؟؟ اسأل ضميرك علي طول هل الرسول (ص) كان حيشربها
المخدرات والمسكرات اللي انتشرت بشكل غير عادي ..... هل الرسول (ص) كان حيسمح بتناولها أو تداولها
معاكسة البنات والتحرش بيهم علنا في الشوارع ...... هل الرسول (ص) يوافق علي كده
الأفلام والمسلسلات والبرامج العربية والأجنبية اللي بتخدش الحياء .... تتوقع الرسول(ص) كان حيتفرج عليها
الأغاني الهابطة ...... تتوقع الرسول (ص) كان حيسمع : ن.ع أو ت.ح
الشات مع البنات ....... تتوقع الرسول(ص) يوافق علي كده
انك تشتغل وتسيب الصلاة ..... هل الرسول (ص) كان حيفضل التجارة عن الصلاة
السهر علي القهاوي لنص الليل .... هل الرسول (ص) كان حيهمل أهله ويخشلهم وش الفجر
انك تنام قبل الفجر بنص ساعة عشان متصليهوش .... هل الرسول (ص) كان حيوافق علي كده
انك تقعد تتفرج علي الماتش وتسيب الصلاة ... هل الرسول (ص) كان حيعمل كده
ها أقول كمان ولا بلاش ...... احنا بقينا بنعمل حاجات كتيييييييييييير حرام بس بقت عندنا اكنها حلال
عشان كده بقولك متتعبش نفسك واسأل ضميرك في أي حاجة انت بتعملها السؤال ده
هل الرسول (ص) أو حد من الصحابة كان حيعمل كده ؟؟؟
شوف انت بتصحي من نومك من اول اليوم لحد اخره بتعمل حاجات اد ايه وقيم نفسك كام حاجة بتعملها حلال وكام حاجة بتعملها حرام
طبعا أنا مش حجاوب علي الأسئلة اللي فاتت دي
كل واحد يجاوب بنفسه
وأخيرا
حاسبوا انفسكم قبل أن تحاسبوا
يارب تكونوا استفدتم وأكون انا نفسي استفدت
ولا تنسوني من صالح دعائكم
والسلام عليكم ورحمة الله وبركاته
موضوع: الحاجة دي حلال ولا حرام ؟؟؟ 
السبت يونيو 16, 2012 4:46 pm
