الوان الكيف السبعة الـشــعـــــــــر و الخـــواطــــــر
كاتب الموضوع
رسالة
alaa ayman Admin
عدد المساهمات : 2233 تاريخ التسجيل : 26/03/2012 العمر : 28 الموقع : www.alahli.alafdal.net
موضوع: الوان الكيف السبعة الـشــعـــــــــر و الخـــواطــــــر الأربعاء يونيو 06, 2012 9:10 pm
أحمر
دمي المسحوب على سيف هامان وأنا عامل ناسي وبتخبط في ما بين البين ولا عارف أعمل حالة فوق توهان ولا شئ نافع وانا فوق الحبل وبتنطط دمي ينقط ويبوس الأرض العطشانة فبتنكر لونه وتسود وترجع مسافات ووريدي النازف حبل اتعلق فوقه كتير من امانيا أو غصن خضار يتغرد فوقه الشعر معاه غنوة من غناويا وما زال الوقت الحالي بيسرق نفسه ويسرق سر العمر معاه
أخضر
مش لون الأرض ده خيالي لما يشعشع م الفحم لهيب وانهي التعب المليان تغريب واسرح وأغيب... في الملكوت وأداري العمر من الموت ... جوه جيوبي فالقاني خلاص فلست انا أصلي ما ليشي جيوب وبنام واتضايق لما تصحيني كرابيج النور واخد عالضلمة وأقله ما فيهاش مشاوير ولا طالع نازل على فكة أحلام
أبيض
دخان بيدور فـ كاسات شايل سؤالين رايحين على فين ؟ ولأمتى هانفضل تحت الأرض وفاكرين ... إننا طايرين جوه السموات ؟ وده لون سحابات الحلم المتعلق على قرش بياض وده لون القلب اما بنبقى ... عايشين في الدنيا حلاوة روح
أزرق
لون المسافات لما بتبعد وبتبقى سنين لو قال البحر ان ده لونه ... راح اقول كداب حتى ولو شفت أمواجك لون المسافات راح يفضح أمرك أول خيط من حضن الليل وانا غايب جوه الخبط ... اتشال واتحط كأن العفاريت ركباني وانا جوه الزار فـ مدار ..... مقفول برحع لبداية أيامي لكن هلكان
بني لون الفناجين لون التايهين لون الساكتين لون اللي مالوش في اللون ووشوش م الخشب المتقطع مقاسات واحدة مطاطية لتحتْ لون الأحلام قبل ما تيجي ... وتقلب كوابيس لون تسليم الراية للغرب في ساعة ضرب
أصفر مسكين زيي ومالوش اصحاب من كتر الغل اللي بيجري جوه شقوقه ( وده مش زيي ) ده كيف العايش بإتاوة فـ ظل القوانين قوانين تفصيل على قد مقاس اللعبة اللي بيلعبها ولاد الليل والمووايل طرحت فـ الصحرا أشواك بتسم اللي يغنيها وما تسمش جلد منحس واخد على عض الجوع قبل ما يشبع واخد عالورقة الصفرا بيكرهها ويحب الخضرا عشان الماما... ما تلسعهوش بالأح ما تصدمهوش بالبح الأصفر لوننا جمال تكتر الأكلة وتكتر المية وتكتر الحلم ولون الصبر اما بيزهق على خلق الله
إسود ملك الألوان والحزن كمان .... ملك الأحاسيس الإسود لون الأحزان مدهونة الأحزان بالليل مكتوبة بلغة الإنسان ... والفضا واسع واسود ويساع أيام من وئمه ولونه والإسود لون النيل لما تغيب الحضرة ... على إيد سجان
آخر قولي العين باتنين والسن بألفين والبادي يقول اللي فـ نفسه والقاضي اطرش مش سامع غير تقارير وأوامر ساري العسكر راح تفرق إيه الحكم خلاص طالع أصلا قبل الجلسة يبقى نعدد على مين وننوح على مين واحنا بتوع الـ مستورة وعال العال بنعيش بكيوف ونبوس فـ سيوف اللي قاطعنا وبنرسم خطاوينا بألوان الكيف نتمرمغ في تراب الزيف على حد السيف .... كلنا واقفين بنقول إحنا ... ألوان الكيف __________________________________________________________________________________
الوان الكيف السبعة الـشــعـــــــــر و الخـــواطــــــر
موضوع: الوان الكيف السبعة الـشــعـــــــــر و الخـــواطــــــر 
الأربعاء يونيو 06, 2012 9:10 pm
