خيانه الاصحاب الـشــعـــــــــر و الخـــواطــــــر

يا خساره على الصاحب لما يخون

ويفضح سر صاحبه بدل ما يصون

ويجرحه بالكلام ويسيبه مطعون

ووقت ما يحتاجه ميمدش ايد العون

ويقفل فى وشه الباب ويسيبه مجنون

ويسيبه لوحده من غير خليل فى الكون

ويسيبه تنهشه الافكار وتقتلوا الظنون

يا ترى ايه اللى زعله وخلانى عنده اهون

كنت بقول من غيره مين انا اكون

مع انى كنت شايله فى قلبى وفى الجفون

وكنت كاتم لاسراره وقلبي عليه حنون

وعمرى ما زعلته وهو اغلى من العيون
__________________________________________________________________________________

منتدى علاء ايمن by/alaa ayman www.alahli.alafdal.net يرحب بكم